49 წლის ჯენიფერ ლოპესის ფოტოსესია InStyle-სთვის

ამერიკელმა მომღერალმა, მსახიობმა, მოცეკვავემ და პროდიუსერმა ჯენიფერ ლოპესმა InStyle-ს ინტერვიუ მისცა, სადაც კიდევ ერთხელ შეახსენა ფანებს, რომ ამბიციებსა და ოცნებებს დიდი წარმატების მოტანა შეუძლია.

"ამბიციები რომ არ მქონოდა, სკოლის დასრულების შემდეგ დავქორწინდებოდი, შვილები მეყოლებოდა და ჩემი დეიდასავით ბანკში დავსაქმდებოდი. მაგრამ მე განსხვავებული ოცნებები და იდეები მქონდა", - ამბობს მუსიკოსი.

ნოემბერში ლოპესის მონაწილეობით ახალი ფილმი Second Act გამოდის. როგორც ის ამბობს, ფილმის მთავარი გმირი მას რეალურ ცხოვრებაშიც ძალიან ჰგავს.

ფილმის გამოსვლამდე, შეგიძლიათ ჯენიფერ ლოპესის ფოტოსესია ნახოთ, რომელშიც 49 წლის ვარსკვლავი თვალისმომჭრელად გამოიყურება. კითხვაზე, თუ როგორ ინარჩუნებს ის ახალგაზრდობას, ლოპესი პასუხობს: "უარს ვამბობ კოფეინზე, ალკოჰოლზე და ბევრი მძინავს. თავს ყოველთვის ვუვლიდი და ასაკის მატებასთან ერთად, ეს უკეთ გამოჩნდა".