ხორავას ქუჩაზე მოკლული მოზარდის მამა, ზაზა სარალიძე ამბობს, რომ ხვალ 21 დეკემბერს პარლამენტის პლენარულ სხდომაზე დასწრება სურს, რათა შს მინისტრის, გახარიას მიმართ დასმული კითხვები და პასუხები მოისმინოს:

"მე ძალიან ბევრი კითხვა მაქვს ბატონ გახარიასთან და უფრო მეტი კითხვა ბატონ თადუმაძესთან, რომელთანაც გაგზავნილი მაქვს ღია შეტყობინება, რომ მსურს მასთან შეხვედრა. ფაქტია გვემალება და არ გვეხმაურება. დიდი სურვილი მაქვს თავად დავესწრო სხდომას, მე ჩავალ ხვალ ქუთაისში, სხდომის დასწრების დროს და ვეცდები, რომ პარლამენტში მოვხვდე, პირადად მოვუსმინო იმ კითხვებზე პასუხებს, რა კითხვებიც დაისმევა გახარიას მიმართ".

შინაგან საქმეთა მინისტრი გიორგი გახარია პარლამენტში მისვლას 21 დეკემბერს გეგმავს. ის დეპუტატებს სამინისტროს ერთი წლის საქმიანობის ანგარიშს წარუდგენს.