პაატა ბურჭულაძის პარტიის სახელმწიფო ხალხისთვის ერთ-ერთმა ლიდერმა ხათუნა ლაგაზიძემ დღეს ბრიფინგი გამართა და განაცხადა, რომ გუშინ გვიან ღამით მათი პარტიის რეგიონული ოფისები დააზიანეს:

"საქმე ეხება რუსთავის, ლაგოდეხის, გურჯაანის და გორის პარტიის ოფისებს სადაც დაზიანებულია გარე ფასადი. დილით ოფისების გარე კედლებზე პარტიის წევრებს წარწერები დახვდათ, 41, ქართული ოცნება და ბიძინა".

ხათუნა ლაგაზიძე საგამოძიებო ორგანოებს გამოძიების დაწყებისკენ მოუწოდებს. მისი განცხადებით ეს არის ერთის მხრივ შეტევა პარტიის ოფისებზე, მეორეს მხრივ ვანდალური აქტი, რადგან გორის ოფისი იმყოფება კულტურული მემკვიდრეობის ზონაში.

როგორც On.ge-ს შსს-ში განუცხადეს, უკვე დაწყებულია ფაქტის ადმინისტრაციული მოკვლევა.