შინაგან საქმეთა სამინისტროს ცნობით, ქუთაისის აეროპორტში, თაკო ჩარკვიანსა და მის თანმხლებ პირზე თავდასხმის ფაქტზე 4 პირი დააკავეს, ერთი — ძალადობის ბრალდებით სისხლის სამართლის წესით, ხოლო 3 — წვრილმანი ხულიგნობის ბრალდებით ადმინისტრაციული წესით.

შსს-ს ცნობით, ქუთაისის აეროპორტში მყოფ თაკო ჩარკვიანს და მის მეუღლეს სავარაუდოდ პოლიტიკური შეხედულებების გამო თავს დაესხნენ. თავდამსხმელებისგან ერთ-ერთმა თაკო ჩარკვიანის მეუღლეს ფიზიკური შეურაცხყოფა მიაყენა, ხოლო სამი პირი მათ სიტყვიერ შეურაცხყოფას აყენებდა. თავდამსხმელებმა შემთხვევის ადგილიდან მიმალვა სცადეს თუმცა, სამართალდამცველებმა მათ ამის საშუალება არ მისცეს.

პოლიციამ აეროპორტში განთავსებული ვიდეოკამერების ჩანაწერები ამოიღეს.

საპატრულო პოლიციამ მომხდარზე გამოძიება ძალადობის ფაქტზე, სისხლის სამართლის კოდექსის 126-ე მუხლით დაიწყო. ასევე საქმის წარმოება ადმინისტრაციულ სამართალდარღვევათა კოდექსის 166-ე მუხლით მიმდინარეობს. ამ დროისთვის მიმდინარეობს საგამოძიებო მოქმედებები.

თაკო ჩარკვიანმა ქუთაისის აეროპორტში თავსახმის შესახებ დღეს, პირველ დეკემბერს განაცხადა.