ჰოლანდიაში, კუნძულ ტექსელთან ახლოს, დაივერებმა 400 წლის წინანდელი კაბა იპოვეს, რომელიც ფსკერზე 4 საუკუნის განმავლობაში ინახებოდა.

ვადენის ზღვაში ნაპოვნი სამოსი საოცრად კარგადაა შენახული.

ფოტო: Mentalfloss

კუნძული ტექსელი ერთ-ერთი ცენტრალური სავაჭრო დანიშნულება იყო შუა საუკუნეების პერიოდში, თუმცა მის მისადგომებთან უამრავი გემი ჩაიძირა და შესაბამისად ფსკერზე ბევრი ასეთი ისტორიული არტეფაქტია შემონახული.

ჩაძირული ნივთების უმეტესობა ზღვის დინებებმა ნაპირიდან კიდევ უფრო შორს გაიტანა, ხოლო კუნძულთან ახლოს არსებულ "საგანძურს" მკვლევარები არ ეხებიან და ელიან თავად როდის გაიწმინდება ქვიშისა და სხვა ნალექისგან.

სწორედ ასეთი შემთხვევა დაფიქსირდა 2 წლის წინ, როდესაც დინებამ XVII საუკუნის ერთ-ერთი სავაჭრო გემი გაწმინდა და დაივერებს მისი გამოკვლევის საშუალება მისცა. მეცნიერებმა ხომალდიდან ხმელეთზე სატვირთო პაკეტი ამოიტანეს და გახსნის შემდეგ ვიღაცის გარდერობი შერჩათ ხელში.

ფოტო: Mentalfloss

ტანსაცმლის შესწავლის შემდეგ მეცნიერები ვარაუდობენ, რომ აღნიშნული ტანსაცმელი და სავაჭრო გემი ბრიტანელ მონარქებს, სტიუვარტებს ეკუთვნოდათ.

გარდა კაბისა, არქეოლოგებმა ტვირთში პარფიუმერია, ჭურჭელი და წიგნები აღმოაჩინეს.