ცესკოს მონაცემებით საპრეზიდენტო არჩევნების მეორე ტურში 12 საათის მდგომარეობით ამომრჩეველთა აქტივობა 19,6%, რაც 688 551 ამომრჩევლის ტოლია. ამის შესახებ ცესკოს პრესსპიკერმა, ანა მიქელაძემ ბრიფინგის დროს განაცხადა.

პირველ ტურში, 12 საათისთვის აქტივობა 15,95% იყო, რაც 558 755 ამომრჩევლის ტოლია. საპრეზიდენტო არჩევნებზე ყველა საარჩევნო ოლქი დღეს 20:00 სთ-ზე დაიხურება, ხოლო უცხო ქვეყანაში მყოფი საქართველოს მოქალაქეებისთვის 00:00 სთ-ზე.

პირველ ტურში არჩევნების საერთო აქტივობა 46,74% იყო, რაც 1 637 956 ამომრჩეველს უდრის.

ცესკოს ინფორმაციით, 28 ნოემბრის არჩევნებისთვის ამომრჩეველთა საერთო რაოდენობა 3 528 658 შეადგენს. პირველი ტურის შემდეგ მათი რაოდენობა დაახლოებით 9 000 ადამიანით გაიზარდა.