შინაგან საქმეთა მინისტრის მოადგილის, ნათია მეზვრიშვილის განცხადებით, წინასაარჩევნო პერიოდში ყოფით ნიადაგზე ჩადენილი დანაშაული, ხშირად პოლიტიკური მოტივით ფასდებოდა. ამის შესახებ მეზვრიშვილმა დღეს, 27 ნოემბერს გამართულ ბრიფინგზე თქვა, სადაც წინასაარჩევნო გარემო შეაფასა და არჩევნებზე ისაუბრა.

შს მინისტრის მოადგილე ამბობს, რომ ეს დანაშაულები მათ მიერ ჩატარებული გამოძიების შედეგად, უმრავლეს შემთხვევაში, არ დადასტურდა.

"ამასთანავე, აღსანიშნავია, რომ პოლიტიკური მოტივი გამოიკვეთა რამდენიმე სისხლის სამართლის საქმეში, სადაც დადგა შესაბამისი პირების სისხლისსამართლებრივი პასუხისმგებლობის საკითხი", — განაცხადა ნათია მეზვრიშვილმა.