შინაგან საქმეთა სამინისტროს ცნობით, თბილისში, მუხიანში სროლის შედეგად ერთი ადამიანი დაიღუპა, ერთი კი დაიჭრა. უწყების ინფორმაციით, დაჭრილი საავადმყოფოშია გადაყვანილი.

როგორც On.ge-ს შინაგან საქმეთა სამინისტროში განუცხადეს, საქმეზე გამოძიება სისხლის სამართლის კოდექსის სამი მუხლით დაიწყო: 108-ე, განზრახ მკვლელობის მუხლი, 117-ე მუხლის პირველი ნაწილი, რომელიც ჯანმრთელობის განზრახ მძიმე დაზიანებას გულისხმობს. ამასთან, გამოძიება დაწყებულია 236-ე მუხლის მესამე და მეოთხე ნაწილებით, რომლის მიხედვითაც სისხლისსამართლებრივი პასუხისმგებლობა იარაღის შეძენა-შენახა-ტარებისთვის დგება.

შინაგან საქმეთა სამინისტროს ცნობით, ამ ეტაპზე აქტიური საგამოძიებო მოქმედებები მიმდინარეობს.