შინაგან საქმეთა სამინისტრომ განზრახ მკვლელობის ბრალდებით ბათუმში თურქეთის მოქალაქე დააკავა. დანაშაული 7-დან 15 წლამდე ვადით თავისუფლების აღკვეთას ითვალისწინებს.

გამოძიების ინფორმაციით, დაკავებულმა მიმდინარე წლის 24 ნოემბერს, ღამით, ბათუმში მდებარე ერთ-ერთ სასტუმროში ცივი იარაღით ჭრილობები მიაყენა უზბეკეთის ორ პირს. ერთი საავადმყოფოში მიყვანამდე გარდაიცვალა, მეორე დაშავებული მკურნალობას სამედიცინო დაწესებულებაში განაგრძობს.

პოლიციამ ბრალდებული შემთხვევის ადგილზე დააკავა. გამოძიება განზრახ მკვლელობის ფაქტზე, საქართველოს სსკ-ს 108-ე მუხლით მიმდინარეობს.