ელექტროენერგიის, ბუნებრივი გაზისა და წყალმომარაგების მომხმარებლებს კომპანიებთან ურთიერთობის ნაცვლად, იუსტიციის სახლში შეეძლებათ სერვისებით სარგებლობა. თბილისის იუსტიციის სახლში ახალი სერვისის პრეზენტაცია აღმასრულებელმა დირექტორმა გივი აზაურაშვილმა და სემეკის თავმჯდომარემ, ირინა მილორავამ დღეს, 21 ნოემბერს გამართეს.

პირველი სერვისი — აბონენტის რეგისტრაციის შეცვლა, იუსტიციის სახლში 21 ნოემბრიდან დაინერგება. მოქალაქეებს შეეძლებათ უძრავი ქონების დარეგისტრირებისთანავე მოითხოვონ აბონენტად რეგისტრაციის ცვლილება.

სემეკის ცნობით, პროექტში ჩართულია თელასი, ჯორჯიან უოთერ ანდ ფაუერი, ყაზტრანსგაზ-თბილისი, ენერგო-პრო ჯორჯია, გაერთიანებული წყალმომარაგების კომპანია, სოკარ ჯორჯია გაზი და საქორგგაზი.