მიუხედავად იმისა, რომ ჯერ კიდევ უცნობია გადაიღებენ, თუ არა Sex and The City-ს მესამე ფილმს, სარა ჯესიკა პარკერმა სიუჟეტის რამდენიმე დეტალი მაინც გაამხილა.

ყველაზე შოკისმომგვრელი კი ის იყო, რომ მესამე ფილმში მისტერ ბიგის პერსონაჟი კვდება.

"ის ფილმის დასაწყისში კვდება. აბაზანაში, გულის შეტევით", - ამბობს ინტერვიუში სარა.

ამავე ინტერვიუში, ცნობილი გახდა ისიც, თუ რატომ თქვა უარი კიმ კეტრელმა ფილმის მესამე ნაწილში მონაწილეობაზე.

როგორც აღმოჩნდა, მისთვის არც თუ ისე სასიამოვნო აღმოჩნდა ის, რომ მთელი აქცენტი კერი ბრედშოუზე გაკეთდებოდა, თანაც დაქვრივებულზე.

მიუხედავად პარკერისა და კიმის დაპირისპირებისა, აღმოჩნდა, რომ სარა გამუდმებით ეკონტაქტება კეტრელს მეილზე და სთხოვს, რომ ფილმში მონაწილეობას დათანხმდეს.

"მე მას მივწერე, რომ მის გარეშე ფილმი არ გამოვიდოდა და რომ ის ჩვენი ოთხეულის განუყოფელი ნაწილია. იმედი მაქვს ის სცენარს კიდევ ერთხელ წაიკითხავს და დაინახავს, თუ რამდენად საინტერესო, გულისმომკვლელი და ამავდროულად სახალისოა", - ამბობს სარა.