BBC-ის ცნობით, აშშ-ს ფედერალურმა სასამართლომ, სამხრეთ საზღვრიდან გადასული არალეგალი მიგრანტებისთვის თავშესაფრის არმიცემის შესახებ, პრეზიდენტ დონალდ ტრამპის ბრძანება დაბლოკა.

მოსამართლე ჯონ ტაიგერმა დროებითი შეკავების ბრძანება მას შემდეგ გამოსცა, რაც სხვადასხვა სამოქალაქო ჯგუფების არგუმენტები მოისმინა.

დონალ ტრამპმა მიგრანტების საწინააღმდეგო ბრძანებას მიმდინარე თვეში მოაწერა ხელი და მიზეზად ეროვნული ინტერესების დაცვა დაასახელა. ტრამპის გადაწყვეტილება მაშინვე გააკრიტიკეს სამოქალაქო ჯგუფებმა და მას "უკანონო გადაწყვეტილება" უწოდეს.

ნოემბრის თვეში ცენტრალური ამერიკიდან ათასობით მიგრანტი მივიდა აშშ-მექსიკის საზღვართან. მიგრანტები ჰონდურასიდან, გვატემალადან და ელ სალვადორიდან აცხადებენ, რომ გამოექცნენ დევნას, სიღარიბესა და ძალადობას.