დღეს, 18 აპრილს, უკრაინაში დაკავებული რუსი ჯარისკაცები, ალექსანდრ ალექსანდროვი და ევგენი ეროფეევი, კიევის რაიონულმა სასამართლომ დამნაშავედ ცნო. ამის შესახებ ინფორმაციას RIA Novosti ავრცელებს.

რუს ჯარისკაცებს ბრალად 2015 წლის მაისში, აღმოსავლეთ უკრაინის ტერიტორიაზე, ტერორისტული საქმიანობასა და აგრესიული ომის წარმართვა ედებათ. BBC-ის რუსული სამსახურის ინფორმაციით, ორივე დაკავებულს 14 წლიანი პატიმრობა მიუსაჯეს.

რუსეთში გასამართლებული უკრაინელი მფრინავის, ნადეჟდა სავჩენკოს ადვოკატები ამბობენ, რომ რუსი ჯარისკაცები, შესაძლოა, სავჩენკოში გაცვალონ, რაზეც სასამართლო განაჩენის შემდეგ რუსი და უკრაინელი დიპლომატები უნდა შეთანხმდნენ, წინააღმდეგ შემთხვევაში, მათ პრობლემის გადასაჭრელად სხვა გზები უნდა იპოვონ.

ნადია სავჩენკოს ჯანმრთელობის მდგომარეობა შიმშილობის ფონზე ამ დროისათვის გაუარესდა. ამის შესახებ Ukraine Today წერს. მისი ერთ-ერთი ადვოკატის, ილია ნოვიკოვის თქმით, ის კრიტიკულ მდგომარეობაშია.

რუსეთის სასამართლომ ნადეჟდა სავჩენკოს 22-წლიანი პატიმრობა შეუფარდა. ვერდიქტის ძალაში შესვლის შემდეგ, 6 აპრილდან, უკრაინელმა პილოტმა მშრალი შიმშილობა დაიწყო.