შინაგან საქმეთა სამინისტროს ინფორმაციით, 7 არასრულწლოვნის მიმართ ჩადენილი გარყვნილი ქმედების ბრალდებით 1981 წელს დაბადებული პირი ახალციხეში დააკავეს. ბრალდება 5-დან 7 წლამდე თავისუფლების აღკვეთას ითვალისწინებს.

უწყების ცნობით, მიმდინარე წლის ნოემბრის დასაწყისში, ქალაქ ახალციხეში მცხოვრები 7 არასრულწლოვნის მიმართ გარყვნილ ქმედებას ახორციელებდა პირი. ბრალდებული უცხო ქვეყნის მოქალაქეა.

"დაკავებული ჩადენილ დანაშაულს აღიარებს. ახალციხის სასამართლომ ბრალდებულს აღკვეთის ღონისძიების სახით წინასწარი პატიმრობა შეუფარდა", — ნათქვამია უწყების მიერ გავრცელებულ განცხადებაში.