თბილისის საქალაქო სასამართლომ არასრულწლოვანი შვილის თანდასწრებით ყოფილი ცოლის ცემისთვის ბრალდებულს 2 წლით თავისუფლების აღკვეთა მიუსაჯა. ამის შესახებ ინფორმაციას პროკურატურა ავრცელებს.

როგორც პროკურატურა იუწყება, სასამართლომ გაიზიარა მათი მტკიცებულებები, რომელთა მიხედვითაც 2018 წლის 16 ივლისს თბილისში ოჯახში ძალადობისთვის პირობითი მსჯავრის ქვეშ მყოფმა პირმა შვილის თანდასწრებით ყოფილ ცოლს სცემა.

სამართალდამცავებმა აღნიშნული პირი 19 ივლისს თბილისში დააკავეს. მას ბრალდება საქართველოს სისხლის სამართლის კოდექსის 1261-ე მუხლის მეორე ნაწილის "ბ" ქვეპუნქტით წარედგინა, რაც ოჯახის ერთი წევრის მიმართ არასრულწლოვნის თანდასწრებით ჩადენილ ძალადობას გულისხმობს.