ჩვენ შევკრიბეთ ის მთავარი სამეცნიერო სიახლეები, რომლებიც შეიძლება დატვირთული კვირის განმავლობაში გამოგრჩენოდათ.

1. დედამიწის ოზონის შრემ აღდგენა დაიწყო, აცხადებს გაერო

მეცნიერები ვარაუდობენ, რომ 2060 წლისთვის ანტარქტიკის თავზე არსებული ოზონის ხვრელი სრულად აღდგება. აღდგენითი პროცესების დაწყება ქლორ-ფტორ-ნახშირწყალბადების, ანუ ოზონის შრის გამათხელებელი ნივთიერებების გამოყენების აკრძალვამ განაპირობა.

გაიგეთ მეტი: http://go.on.ge/vus

2. ყავის დალევა შესაძლოა ალცჰაიმერისა და პარკინსონის რისკს ამცირებდეს

მეცნიერებმა დაადგინეს, რომ ყავაში შემავალი მოლეკულების გარკვეულ ჯგუფს შეუძლია ბეტა-ამილოიდის დალექვას ხელი შეუშალოს. ბეტა-ამილოიდი ცილაა, რომლის გადაჭარბებულ რაოდენობას ალცჰაიმერითა და პარკინსონით დაავადებულთა ტვინში ვპოულობთ.

წყარო: Independent

3. მობილურებსა და კიბოს შორის "გარკვეული კავშირი" გამოიკვეთა, ყოველ შემთხვევაში, მამალ ვირთხებში

მეცნიერებმა 2G და 3G თაობის მობილურებისთვის დამახასიათებელი რადიოსიხშირეების ძალიან მაღალი დოზის გამოყენებით კვლევაში მონაწილე მამრი თაგვების 2-3 პროცენტში ტვინის კიბოს გამოწვევა შეძლეს. 30$ მილიონიანი კვლევა, რომელიც აშშ-ს ეროვნული ტოქსიკოლოგიის სააგენტომ ჩაატარა, ათ წელიწადზე მეტხანს გაგძელდა.

გაიგეთ მეტი: http://go.on.ge/vtw

4. ლამების წყალობით, შესაძლოა გრიპის ვირუსის უნივერსალური ვაქცინა შეიქმნას

ლამებიდან გამოყოფილი ანტისხეულებით მეცნიერებმა ერთი მრავალდომენიანი ანტისხეული შექმნეს, რომელიც გრიპის ვირუსის 60 სხვადასხვა შტამის წინააღმდეგ იყო ეფექტური. თაგვების ორგანიზმში კი ვაქცინის შეყვანა მეცნიერებმა ანტისხეულების შემცველი სითხის მათ ცხვირში შეშხაპუნებით შეძლეს.

გაიგეთ მეტი: http://go.on.ge/vr4

5. ანტარქტიკის ქვეშ მეცნიერებმა დაკარგული კონტინენტის ნარჩენებს მიაგნეს

თანამგზავრულ მონაცემებზე დაყრდნობით მეცნიერებმა დედამიწის ლითოსფეროს სამგანზომილებიანი რუკა შექმნეს. ლითოსფერო ქერქისა და მის ქვეშ არსებული გამდნარი მანტიისგან შედგება. მიღებული რუკებით ანტარქტიკის ქვეშ ქერქის თხელი ფენა დაფიქსირდა, რაც წარსულში არსებულ კონტინენტზე მიუთითებს.

წყარო: ScienceAlert

6. ანტიბიოტიკებისადმი რეზისტენტობა იმაზე მეტ ადამიანს კლავს, ვიდრე წარმოგიდგენიათ

ახალ კვლევაზე დაყრდნობით, მეცნიერები ვარაუდობენ, რომ ანტიბიოტიკებისადმი რეზისტენტობა ევროკავშირში ყოველწლიურად 33 000 ადამიანს კლავს. აღნიშნული სიკვდილიანობა კი მხოლოდ ხუთი სხვადასხვა ტიპის რეზისტენტული ინფექციის შედეგია.

წყარო: ScienceAlert

7. როგორ აღმოჩნდა "უფრთო" ჩიტი შუა ოკეანეში, უკაცრიელ კუნძულზე? საიდუმლო ამოხსნილია

დნმ-ის ანალიზის საშუალებით მეცნიერებმა ფრინველის ევოლუციური ისტორია შეისწავლეს და აღმოაჩინეს, რომ ფრინველმა კუნძულამდე მოსაღწევად დაახლოებით 3 000 კილომეტრი დაფარა.

გაიგეთ მეტი: http://go.on.ge/vxq

8. კვლევა: ქალებს, რომლებსაც დილით ადრე ადგომა ურჩევნიათ, მკერდის კიბოს რისკი ნაკლები აქვთ

კვლევის შედეგები მიუთითებს, რომ "დილის ადამიანებს" მკერდის კიბოს განვითარების რისკი რამდენიმე ათეული პროცენტით აქვთ შემცირებული, თუმცა ძილსა და კიბოს შორის კავშირის ზუსტი მექანიზმები კვლავ უცნობია.

გაიგეთ მეტი: http://go.on.ge/vzk

9. დედამიწის გარშემო ორი ახალი "მთვარის" არსებობა დადასტურდა

ნახევარსაუკუნოვანი სპეკულაციების შემდეგ უნგრელმა ასტრონომებმა და ფიზიკოსებმა დედამიწის ორი ახალი თანამგზავრის არსებობა დაადასტურეს. ეს ორი მტვრის ღრუბელია, რომელიც დედამიწიდან დაახლოებით 400 000 კილომეტრის დაშორებით იმყოფება.

გაიგეთ მეტი: http://go.on.ge/vyy

10. კვლევა: ეზოში თამაში ბავშვებში მხედველობის პრობლემების რისკს ამცირებს

მეცნიერებმა დაადგინეს, რომ დროის გარეთ გატარებას ბავშვებში ახლომხედველობის განვითარების რისკების მნიშვნელოვნად შემცირება შეუძლია. ერთ-ერთი კვლევის მიხედვით, თუ ბავშვები სახლის გარეთ საკმარის დროს არ გაატარებენ, მათში მხედველობის პრობლემების განვითარების რისკი შესაძლოა 60 პროცენტამდე გაიზარდოს.

წყარო: Washington Post