ბათუმში არასრულწლოვანი გოგოს მიმართ გარყვნილი ქმედების ბრალდებით 55 წლის კაცი დააკავეს. ინფორმაციას შინაგან საქმეთა სამინისტრო ადასტურებს.

უწყებაში On.ge-ს განუცხადეს, რომ არსებული ინფორმაციით, დაკავებულმა არასრულწლოვანი მუნიციპალურ ტრანსპორტში სექსუალურად შეავიწროვა. შემთხვევაზე შეტყობინება შსს-ში 5 ნოემბერს შევიდა.

საქმეზე გამოძიება საქართველოს სისხლის სამართლის კოდექსის 141-ე მუხლით მიმდინარეობს, რაც არასრულწლოვნის მიმართ გარყვნილ ქმედებას გულისხმობს.