პარლამენტში ქართული ოცნების დეპუტატის, ივლიანე წულაიას ცოლმა, ქეთევან გოცაძემ და დამ, თამარ წულაიამ მმართველი გუნდის მიერ მხარდაჭერილ საპრეზიდენტო კანდიდატს, სალომე ზურაბიშვილს 90 000 ლარი შეწირა. წულაიას ცოლმა სალომე ზურაბიშვილს 50 000 გადაურიცხა, ხოლო თამარ წულაიამ — 40 000.

ივლიანე წულაია წლების განმავლობაში სამშენებლო კომპანია არქის დირექტორი იყო, ახლა კი რამდენიმე პროექტის მეწილეა. ივლიანე წულაიამ სალომე ზურაბიშვილს 60 000 ლარი სექტემბერში გადაურიცხა. გარდა ამისა, ოქტომბერში სალომე ზურაბიშვილისთვის 60 000 ლარი აქვს შეწირული ივლიანე წულაიას ძმას, თენგიზ წულაიას, რომელიც, ასევე, არქის პროექტების დირექტორი და მეწილეა. წულაიას და, თამარ წულაიაც სამშენებლო კომპანია არქის ერთ-ერთი პროექტის მეწილე და დირექტორია.

ჯამში კომპანია არქის მეწილეებმა და პარტნიორებმა სალომე ზურაბიშვილს 360 000 ლარი შეწირეს.

ამავე თემაზე: