უკრაინის პოლიციის წარმომადგენელმა, ვადიმ ტროიანმა განაცხადა, რომ უკრაინელმა ჟურნალისტმა, პაველ შერემეტმა, რომელიც კიევის ცენტრში, მანქანაში, 20 ივლისს ააფეთქეს, ჯერ კიდევ გასული წლის ნოემბერში განაცხადა პოლიციაში, რომ მას უთვალთვალებდნენ. ინფორმაციას ამის შესახებ Ekhokavkaza ავრცელებს.

ადგილობრივი შინაგან საქმეთა სამინისტროს ინფორმაციით, გამოძიებას უკვე აქვს სავარაუდო ინფორმაცია, თუ ვის შეეძლო ეთვალთვალა შერემეტისთვის. ტროიანისვე განმარტებით, გარდაცვლილ ჟურნალისტს სამართალდამცავი უწყებების წარმომადგენლები არ უთვალთვალებდნენ.

უკრაინაში მცხოვრები პაველ შერემეტი 20 ივლისს კიევში, მანქანაში ააფეთქეს. სამართალდამცავმა უწყებებმა მომხდარი განზრახ მკვლელობად შეაფასეს. უკრაინის გენერალურმა პროკურორმა, იური ლუცენკომ, მომხდარი შერემეტის პროფესიული საქმიანობის გამო შურისძიებად შეაფასა. გამოძიების ფარგლებში, ამ დრომდე უკვე 500 მოწმეა დაკითხული.

ავტომობილი, რომელშიც უკრაინელი ჟურნალისტი, პაველ შერემეტი ააფეთქეს, 20 ივლისი, 2016.

ფოტო: AFP