აშშ-ს პრეზიდენტი დონალდ ტრამპი აპირებს, რომ ირანს 2015 წლის ბირთვული შეთანხმებით შეჩერებული სანქციები ნოემბერში აღუდგინოს.

თეთრმა სახლმა განაცხადა, რომ ეს იქნება ყველაზე მკაცრი სანქციები, რომელიც ირანის წინააღმდეგ ოდესმე გატარებულა. მათივე თქმით, ისინი შეეხება ენერგეტიკულ, გადაზიდვისა და საბანკო სექტორებს.

"სანქციების მოდის", — დატვიტა პრეზიდენტმა და საკულტო სერიალის, სამეფო კარის თამაშების ფრაზა გადააკეთა.

ირანის ბირთვული შეთანხმება, დონალდ ტრამპის გადაწყვეტილებით, აშშ-მ 2018 წლის მაისში დატოვა. მაშინ ამერიკული მხარე აცხადებდა, რომ მიმდინარე შეთანხმება ბირთვული პროგრამის შეჩერების გარანტი ვერ იქნებოდა. აშშ-ის გადაწყვეტილება გააკრიტიკეს შეთანხმების სხვა წევრმა ქვეყნებმაც და მის დატოვება უარი თქვეს.

აშშ-სა და ირანს შორის ახალი დიპლომატიური კონფლიქტის მიზეზი სახელმწიფო დეპარტამენტის გადაწყვეტილება გახდა. ამერიკულ მხარეს სურს, რომ 2018 წლის ნოემბრისთვის სხვა ქვეყნებში ირანული ნავთობის იმპორტი შეწყდეს. ივლისის დასაწყისში რუჰანი ამბობდა, რომ მზადაა ჰორმუზის სრუტე ჩაკეტოს, რომლის გავლითაც ზღვაზე მსოფლიო ნავთობის ექსპორტის დიდი წილი გადის.