ამერიკის პრეზიდენტის, დონალდ ტრამპის გადაწყვეტილებით, ამერიკის შეერთებული შტატები ირანის ბირთვულ შეთანხმებას ტოვებს. თეთრ სახლში პრესკონფერენციისას ტრამპმა შეთანხმებას "ხრწნადი და დამპალი სტრუქტურა" უწოდა. მისი თქმით, ამ შეთანხმებას არ აქვს რეალური ძალა იმისთვის, რომ ირანში ბირთვული იარაღის შეტანას შეუშალოს ხელი. ინფორმაციას CNN ავრცელებს.

გარდა ამისა, ტრამპმა აღნიშნა, რომ ამოქმედდება მკაცრი სანქციები თეირანის და მათი პარტნიორების წინააღმდეგ.

ბირთვული შეთანხმება 2015 წელს, ბარაკ ობამას პრეზიდენტობის დროს დაიდო. ირანის და ამერიკის გარდა, შეთანხმებას ხელი მოაწერა დიდმა ბრიტანეთმა, საფრანგეთმა, გერმანიამ, რუსეთმა და ჩინეთმა.