ქართული ოცნების დეპუტატმა, კობა კობალაძემ მმართველი გუნდის მიერ მხარდაჭერილ საპრეზიდენტო კანდიდატს, სალომე ზურაბიშვილს არჩევნებამდე ორი დღით ადრე 30 000 ლარი შეწირა.

ეს პირველი შემთხვევა არაა, როდესაც მმართველი გუნდის წარმომადგენლები ზურაბიშვილს სოლიდურ თანხას ურიცხავენ. საქართველოს პარლამენტის თავმჯდომარემ, ირაკლი კობახიძემ და ქართული ოცნების ცხრა დეპუტატმა ზურაბიშვილს 22-25 ოქტომბერს 160 000 ათასი ლარი შეწირა.

ყველაზე მეტი თანხა, 60 000 ლარი, სალომე ზურაბიშვილს ბექა ოდიშარიამ გადაურიცხა. პარლამენტის თავმჯდომარემ, ირაკლი კობახიძემ 10 000 ლარი, ხოლო მისმა მოადგილემ, გია ვოლსკიმ 4 000 ლარი შეწირა. 4 000-4 000 ლარი გადარიცხეს ეკა ბესელიამ, ერეკლე ტრიპოლსკიმ და ირაკლი მეზურნიშვილმა.

პრეზიდენტობის კანდიდატისთვის 10 000 ლარი აქვს გადარიცხული პარლამენტის დეპუტატსა და ფეხბურთის ფედერაციის პრეზიდენტს, ლევან კობიაშვილს.

გარდა ამისა, სალომე ზურაბიშვილისთვის 50 000 ათასი ლარი აქვს გადარიცხული ქართული ოცნების დეპუტატს, იოსებ მაკრახიძეს. ასევე, 60 000 ათასი ლარი შეწირა კიდევ ერთმა დეპუტატმა, ირაკლი ხახუბიამ.

ამავე თემაზე: