საქართველოს პარლამენტის თავმჯდომარემ, ირაკლი კობახიძემ და ქართული ოცნების ცხრა დეპუტატმა მათ მიერ მხარდაჭერილ საპრეზიდენტო კანდიდატს, სალომე ზურაბიშვილს ოთხ დღეში 160 000 ათასი ლარი შეწირა. დეპუტატებმა თანხა 22-25 ოქტომბერს გადარიცხეს.

ყველაზე მეტი თანხა, 60 000 ლარი, სალომე ზურაბიშვილს ბექა ოდიშარიამ გადაურიცხა. პარლამენტის თავმჯდომარემ, ირაკლი კობახიძემ 10 000 ლარი, ხოლო მისმა მოადგილემ, გია ვოლსკიმ 4 000 ლარი შეწირა. 4 000-4 000 ლარი გადარიცხეს ეკა ბესელიამ, ერეკლე ტრიპოლსკიმ და ირაკლი მეზურნიშვილმა.

პრეზიდენტობის კანდიდატისთვის 10 000 ლარი აქვს გადარიცხული პარლამენტის დეპუტატსა და ფეხბურთის ფედერაციის პრეზიდენტს, ლევან კობიაშვილს.

შემომწირველი დეპუტატების სია ასე გამოიყურება:

  • ეკა ბესელია — 4 000 ლარი;
  • ბექა ოდიშარია — 60 000 ლარი;
  • თეიმურაზ კოხრეიძე — 55 000 ლარი;
  • ლევან კობიაშვილი — 10 000 ლარი;
  • ერეკლე ტრიპოლსკი — 4 000 ლარი;
  • ირაკლი კობახიძე — 10 000 ლარი;
  • ირაკლი მეზურნიშვილი — 4 000 ლარი;
  • თეიმურაზ ჭკუასელი — 4 000 ლარი;
  • ისკო დასენი — 5 000 ლარი;
  • გიორგი ვოლსკი — 4 000 ლარი.

გარდა ამისა, სალომე ზურაბიშვილისთვის 50 000 ათასი ლარი აქვს გადარიცხული ქართული ოცნების დეპუტატს, იოსებ მაკრახიძეს. ასევე, 60 000 ათასი ლარი შეწირა კიდევ ერთმა დეპუტატმა, ირაკლი ხახუბიამ.

ამავე თემაზე: