რუსთავში ე.წ. სტამბოლის ბაზარი იწვის. საგანგებო სიტუაციების მართვის სამსახურის ინფორმაციით, ცეცხლი სავაჭრო ობიექტზე არსებულ დახლებს უკიდია. წინასწარი ინფორმაციით, ხანძრის შედეგად დაშავებული არავინ არის.

როგორც უწყებაში ამბობენ, ადგილზე მუშაობს 12 სახანძრო-სამაშველო ჯგუფი. მათი თქმით, ხანძრის მასშტაბიდან გამომდინარე, თბილისიდან დამატებითი ძალები მიემართებიან.

როგორც საგანგებო სიტუაციების მართვის სამსახურის მიერ გავრცელებულ ვიდეოში ჩანს, ცეცხლი იქვე მდებარე მიკროავტობუსს და ხეებსაც მოედო. წინასწარი ინფორმაციით, დამწვარია 800-900 მ² ფართობი.