როგორც უკვე იცით, HBO-მ საკულტო სერიალ სამეფო კარის თამაშების ფანებს, სიუპრიზი მოუწყო და ახალი კონტრაქტი გააფორმა ოთხ სცენარისტთან, რომლებიც GOT-ის წინა ისტორიის შესახებ ჯორჯ მარტინთან ერთად იმუშავებენ.

HBO-მ არჩევანი გმირთა ეპოქის შესახებ გააკეთა. ეს სწორედ ის ეპოქაა, როცა თითქმის ყველა ის საგვარეული ჩამოყალიბდა, რომელსაც ამჟამინდელ შოუში ვხვდებით.

ამავე ეპოქას განეკუთვნება ბრანდონ მშენებელის ისტორია, რომელმაც კედელი ააგო, ასევე ყველაზე დიდი ზამთარი ისტორიაში და ა.შ.

ახლახან ცნობილი გახდა, რომ პრიქველზე მუშაობას შოუს შემქმნელები ოქტომბერში, ბელფასტში დაიწყებენ, მისი პრემიერა კი 2020 წელს იგეგმება.

HBO-მ სამეფო კარის თამაშების პრიქველში მთვარი როლის შესასრულებლად ნაომი უოთსი მიიწვია, რომელმაც როგორც მოსალოდნელი იყო პროექტზე უარი არ თქვა და წინადადებას სიამოვნებით დათანხმდა.

ამ ეტაპზე მისი პერსონაჟის შესახებ ყველა დეტალი გასაიდუმლოებულია, თუმცა სხვადასხვა წყაროები ირწმუნებიან, რომ ის შესაძლოა "ახალი სერსეი ლანისტერი" იყოს და GOT-ის პრიქველის მთავარი უარყოფითი პერსონაჟი გახდეს. გარდა ამისა, ვრცელდება ინფორმაცია, რომ ნაომის პერსონაჟი საშინელ საიდუმლოს მალავს.

ახალი სერიალის სახელი სავარაუდოდ The Long Night (გრძელი ღამე) იქნება.