შინაგან საქმეთა სამინისტროს ინფორმაციით, მარნეულში სოფელ იმირიდის საარჩევნო უბანზე ჩხუბის ბრალდებით ქართული ოცნებისა და ნაციონალური მოძრაობის ორი წევრი დააკავეს.

უწყების თქმით, 59-ე საარჩევნო უბანზე კომისიის წევრის ცემასთან დაკავშირებით მათ შეტყობინება მიიღეს. მათივე განცხადებით, ქართული ოცნებისა და ნაციონალური მოძრაობის ორი წევრს შორის სიტყვიერი და ფიზიკური დაპირისპირება მოხდა.

დაუმორჩილებლობის გამო ორივე მათგანი ადმინისტრაციულ სამართალდარღვევათა კოდექსის 173-ე მუხლით დააკავეს.

მომხდარ ფაქტზე დაიწყო გამოძიება სისხლის სამართლის კოდექსის 162-ე პრიმა მუხლის პირველი ნაწილით, რაც კენჭისყრის შენობაში, საარჩევნო კომისიის განთავსების ადგილას ან მათ მიმდებარე ტერიტორიაზე ძალადობას გულისხმობს.