ქართლი ოცნების ლიდერებმა, თბილისის მერმა კახა კალაძემ და პარლამენტის თავმჯდომარე ირაკლი კობახიძემ ხმის მიცემის შემდეგ განაცხადეს, რომ ხმა მისცეს განვითარებასა და სტაბილურობას.

"მე ხმა მივეცი ქვეყნის განვითარებას, მშვიდობას, სტაბილურობას", — განაცხადა კალაძემ. იმავე შინაარსის მესიჯი გაიმეორა პარლამენტის თავმჯდომარემ და აღნიშნა, რომ ხმა მისცა "დემოკრატიას, სტაბილურობას და განვითარებას". ორივე მათგანი საარჩევნო უბანზე შვილთან ერთად იმყოფებოდა.

საკუთარი არჩევანი უკვე დააფიქსირა პრეზიდენტმა. ასევე მოქმედმა და ექს პრემიერ-მინისტრებმა და პატრიარქმა. ასევე, ევროპული საქართველოს და ლეიბორისტული პარტიის საპრეზიდენტო კანდიდატებმა.

ცენტრალური საარჩევნო კომისიის ინფორმაციით, არჩევნები 3 703 უბანზე ტარდება. მათ შორის 55 საზღვარგარეთ, 11 კი საგამონაკლისო წესით შექმნილი უბანია.

ცესკოში ამბობენ, რომ ამომრჩეველთა საერთო რაოდენობა 3 518 877 ადამიანს შეადგენს, რომელშიც შედის საზღვარგარეთ რეგისტრირებული 14 795 მოქალაქე.