ყოფილი ცოლის მიმართ ძალადობისთვისა და მუქარისთვის ბრალდებულს 3 წლით თავისუფლების აღკვეთა მიესაჯა.

პროკურატურის ინფორმაციით, 2016 წლიდან კაცი ყოფილ ცოლზე სისტემატურად ძალადობდა, შეურაცხყოფდა და ამცირებდა მას, მიმართავდა უცენზურო სიტყვებით.

უწყების განმარტებით, 2017 წლის დეკემბრის შუა რიცხვებში, განზრახი დანაშაულისთვის პირობითი მსჯავრის ქვეშ მყოფმა კაცმა ქუჩაში შეაჩერა ქალი ძლიერად დაუჭირა ხელი და უყვიროდა, რომ სამსახურისთვის თავი დაენებებინა. განცხადებაში აღნიშნულია, რომ 2018 წლის 15 მარტს ვარკეთილის მიმდებარე ტერიტორიაზე კაცი შეუმჩნევლად მიუახლოვდა ქალს და ხმამაღლა გინება დაუწყო, რა დროსაც ანიშნა რომ ჯიბეში ჰქონდა დანა და სახლიდან გამოსვლის შემთხვევაში დასახიჩრებით დაემუქრა.

სამართალდამცველებმა ყოფილი ქმარი 2018 წლის 29 მარტს თბილისში დააკავეს. მას ბრალდება საქართველოს სისხლის სამართლის კოდექსის 1261 მუხლის პირველი ნაწილით (ოჯახის ერთი წევრის მიერ ოჯახის სხვა წევრის მიმართ ძალადობა, რამაც ფიზიკური ტკივილი გამოიწვია, სისტემატური სიტყვიერი შეურაცხყოფა, რამაც ტანჯვა გამოიწვია, ორი ეპიზოდი) და 111-151-ე მუხლის პირველი ნაწილით (ოჯახის წევრის მიმართ ჯანმრთელობის დაზიანების მუქარა) წარედგინა და აღკვეთის ღონისძიების სახით პატიმრობა შეეფარდა.