ჰოლივუდის სამი დიდი სახელი — ჯენიფერ ენისტონი, რიზ უიზერსპუნი და სტივ კარელი ერთი ისტორიის გარშემო გაერთიანდნენ და 2019 წლის ერთ-ერთი ყველაზე დიდი პროექტი დაგეგმეს.

მსახიობები ეფლის დაკვეთით გადაღებულ სერიალში მთავარ როლებს შეასრულებენ.

თუ სერიალი Friends ნანახი გაქვთ, მაშინ რიზ უიზერსპუნისა და ჯენიფერ ენისტონის ეკრანული წყვილი თქვენთვის უცხო ნამდვილად არ იქნება. წლების შემდეგ მსახიობები კიდევ ერთხელ გახდებიან პარტნიორები და ნიუ-იორკის ერთ-ერთი ტელევიზიის დილის გადაცემის წამყვანების როლს მოირგებენ. სავარაუდოდ, მათი თანაწამყვანი იქნება სტივის პერსონაჟიც.

წინასწარი ინფორმაციით, უკვე დამტკიცებულია შოუს ორი სეზონი, თითოეულ მათგანში კი ათი ეპიზოდი იქნება.