პრეზიდენტის სასახლის გაყიდვა და სხვა დაპირებები — ზურა ჯაფარიძის საარჩევნო პროგრამა
გირჩის პრეზიდენტობის კანდიდატის, ზურა ჯაფარიძის ხსენებაზე უმეტესობას მარიხუანის ფესტივალი, PornHub-ზე დადებული რეკლამა ან საარჩევნო "კუშები" ახსენდება. ამ ერთი შეხედვით პროვოკაციული ნაბიჯების მიღმა ცოტა ინტერესდება რეალურად, რას ჰპირდება ზურა ჯაფარიძე ამომრჩეველს.
გირჩის პრეზიდენტობის კანდიდატის საარჩევნო დაპირებები რამდენიმე ღირებულებას ეფუძნება, მათ შორისაა სამართლიანობა, თავდაცვისუნარიანობა, თავისუფლების დაცვა, ხარჯების შემცირება და მეტი გამჭვირვალობა. მისი საარჩევნო პროგრამა პრეზიდენტის სხვა უფლებამოსილებებსაც ფარავს და ამომრჩეველს ამ უფლებების გამოყენების საკუთარ გეგმას სთავაზობს.
On.ge ზურა ჯაფარიძის საარჩევნო პროგრამას უცვლელი სახით გთავაზობთ.
სამართლიანობა
- მსხვერპლის გარეშე არ არსებობს დანაშაული. საქართველოში მოქმედებს უამრავი კანონი, რომელიც უსამართლოა. სასამართლო სისტემა წლებია ვერ ასრულებს სამართლიანი მსაჯულის ფუნქციას;
- პრეზიდენტის ინსტიტუტისთვის შეწყალების უფლების არსებობას მხოლოდ იმ შემთხვევაში აქვს აზრი თუ მისი გამოყენება ხდება საკანონმდებლო, აღმასრულებელი და სასამართლო ხელისუფლებების მხრიდან ჩადენილი უსამართლობების გამოსასწორებლად;
- შევიწყალებ ყველას, ვინც სისტემამ უსამართლოდ დასაჯა — ყველას, ვინც სისტემამ ისეთი "დანაშაულისთვის" დასაჯა, სადაც მსხვერპლი არ არსებობს. მათ შორის, არსებულ ნარკოპოლიტიკასთან მიმართებაში, არამხოლოდ საპატიმრო სასჯელი მოეხსნებათ, არამედ ყველა უფლება აღუდგებათ მათ, ვისაც ე.წ ნარკოდანაშაულის გამო სახელმწიფომ ჩამოართვა სატრანსპორტო საშუალების მართვის უფლება, საადვოკატო თუ პედაგოგიური საქმიანობის უფლება, საჯარო ხელისუფლების ორგანოებში საქმიანობის უფლება თუ პასიური საარჩევნო უფლება.
თავდაცვისუნარიანობა
- კეთილდღეობის მაღალი დონის მიღწევა შეუძლებელია უსაფრთხოების უზრუნველყოფის გარეშე. მიუხედავად იმისა, რა დრო დასჭირდება ქვეყანას უსაფრთხოების საერთაშორისო გარანტიების მიღებისთვის, იქნება ეს ნატო თუ ორმხრივი შეთანხმება სტრატეგიულ პარტნიორთან, საქართველოს ნებისმიერ შემთხვევაში სჭირდება საკუთარი თავდაცვისა და უსაფრთხოების მაქსიმალურად მოკლე ვადაში უზრუნველყოფა. ეს, უპირველეს ყოვლისა, გულისხმობს თავდაცვისთვის სათანადო რესურსების გამოყოფას;
- როგორც საქართველოს სახელმწიფოს მეთაური და საქართველოს თავდაცვის ძალების უმაღლესი მთავარსარდალი ყველაფერს გავაკეთებ იმისათვის, რომ თავდაცვის დაფინანსება გაორმაგდეს მომავალი 5 წლის განმავლობაში;
- სავალდებულო სამხედრო სამსახური არის სახელმწიფოს მიერ დაკანონებული მონობა და არაფერი აქვს საერთო ქვეყნის თავდაცვისუნარიანობასთან. პრეზიდენტის ბრძანებულებებით გავაუქმებ ყველა მთავრობის დადგენილებას სავალდებულო გაწვევასთან დაკავშირებით, რითიც ეფექტურად მოხდება ამ სამარცხვინო სისტემის ფაქტობრივი გაუქმება.
თავისუფლების დაცვა
- არ არსებობს კეთილდღეობა თავისუფლების გარეშე. სწრაფი განვითარებისთვის აუცილებელია, როგორც ეკონომიკური ისე პიროვნული თავისუფლების მაღალი ხარისხი — მეტი თავისუფლება;
- თავისუფლების დაცვის მიზნით ვეტოს დავადებ ნებისმიერ კანონპროექტს, რომელიც მიმართული იქნება თავისუფლების შეზღუდვისკენ და პირადად დავიცავ ყველა ვეტოს საქართველოს პარლამენტში;
- მეტი თავისუფლების მოპოვების მიზნით, პრეზიდენტის ინსტიტუტის სახელით საკონსტიტუციო სასამართლოში გავასაჩივრებ თავისუფლების შემზღუდავ კანონებს, რომელთა გასაჩივრებაც არ შეუძლიათ რიგით მოქალაქეებს.
ხარჯების შემცირება
- დიდი ბიუროკრატია და გაბერილი სამთავრობო ხარჯები არა მხოლოდ კორუფციის ძირითადი მასაზრდოებელია, არამედ ნაკლები თავისუფლების მთავარი ინდიკატორი და სწრაფი განვითარების მნიშვნელოვანი მუხრუჭიცაა;
- პრეზიდენტის ადმინისტრაციის ბიუჯეტი წელიწადში 10 მილიონი ლარია. პრეზიდენტის სარეზერვო ფონდი - 5 მილიონი ლარი. ნავარაუდევია, რომ მომავალი 6 წლის განმავლობაში პრეზიდენტი დახარჯავს მინიმუმ 90 მილიონ ლარს. შევკვეც პრეზიდენტის ადმინისტრაციის და სარეზერვო ფონდის ბიუჯეტებს და მომავალ 6 წელში დავზოგავ მინიმუმ 75 მილიონ ლარს;
- 21-ე საუკუნეში სრულიად არაადეკვატურია პრეზიდენტს ან ნებისმიერ საჯარო მოხელეს გააჩნდეს ასეთი მასშტაბის საპრეზიდენტო სასახლე, როგორიც აქვს საქართველოს პრეზიდენტს. ეს სასახლე არის გასაყიდი და პრეზიდენტის ადმინისტრაცია უნდა გადავიდეს ბევრად მოკრძალებულ და მკაცრად სამუშაო გარემოში;
- პრეზიდენტი აწერს ხელს ყველა კანონს, მათ შორის ბიუჯეტის კანონს. ყველა ბიუჯეტის კანონს, ისევე როგორც ცვლილებას ბიუჯეტის კანონში, დავადებ ვეტოს და მთავრობასა და პარლამენტს მოუწევთ ჯერ თითოეული თეთრის აუცილებლობის საჯაროდ დადასტურება, ხოლო შემდეგ ვეტოს დაძლევა.
მეტი გამჭვირვალობა
- ხელისუფლება ბოროტად სარგებლობს მოქალაქეებისა და მედიის ზედაპირული წარმოდგენით ეკონომიკისა და სახელმწიფოს მუშაობის ელემენტარულ პრინციპებზე, და წარმატებით ახერხებს გაექცეს პასუხისმგებლობას. აქედან გამოსავალი არის მეტი გამჭვირვალობა და კომპეტენციის თამასის აწევა;
- თვეში ერთხელ შევხვდები რომელიმე მინისტრს და ფეისბუკლაივში გავესაუბრები მისი პასუხისმგებლობის სფეროში არსებულ პრობლემებზე, მიზნებზე, ხედვებსა და ხარჯებზე;
- თვეში ერთხელ გავმართავ პრესკონფერენციას მედიის წარმომადგენლებისთვის და ვუპასუხებ ნებისმიერ კითხვას ნებისმიერ თემაზე.
- თვეში ერთხელ მექნება ფეისბუკლაივი და ვუპასუხებ ნებისმიერი მოქალაქის ნებისმიერ კითხვას.
სხვა უფლებამოსილებები
საქართველოს პრეზიდენტს გააჩნია სხვა უფლებამოსილებებიც, რომლებთან მიმართებაშიც რთულია კონკრეტული დაპირების გაცემა, მაგრამ მნიშვნელოვანია ადამიანებისთვის გასაგები იყოს, რა ტიპის მოტივაციით იქნება განპირობებული ჩემი გადაწყვეტილებები. ასე მაგალითად:
ეროვნული ბანკის საბჭოს წევრის წარდგენა
ვინაიდან, პრეზიდენტის უფლებამოსილებას სცდება ქვეყანაში მონეტარული პოლიტიკის სისტემის ცვლილება, წარვადგენ ისეთ ადამიანებს, რომლებიც ხელს შეუშლიან ეროვნული ბანკის მთავრობასთან შეთანხმებულ მავნებლურ მონეტარულ პოლიტიკას, ანუ, ადამიანებს, რომლებიც მხარს არ დაუჭერენ ინფლაციას, რეფინანსირების სესხების გაცემას და ამით მთავრობისა და კომერციული ბანკების უპასუხისმგებლობის წახალისებას.
იუსტიციის უმაღლესი საბჭოს ერთი წევრის დანიშვნა
დავნიშნავ ისეთ ადამიანს, რომელიც არასოდეს წავა თავისუფლების იდეის წინააღმდეგ და რომელიც უბრალოდ იქნება სასამართლო სისტემიდან ამბის გამომტანი, რადგან მეტის გაკეთება არსებულ რეალობაში უბრალოდ შეუძლებელია.
სხვა ქვეყნებში საქართველოს ელჩების დანიშვნა
არ ვაპირებ რაიმე ფორმით ხელი შევუშალო საგარეო საქმეთა სამინისტროს გადაწყვიტოს, ვინ უნდა წარმოადგენდეს საქართველოს ამა თუ იმ ქვეყანაში, თუ წარმოდგენილი ადამიანი არ იქნება დეკლარირებული ფაშისტი, ქსენოფობი, ჰომოფობი ან კოლაბორაციონისტული ხედვების მატარებელი.
საკონსტიტუციო სასამართლოს მოსამართლის დანიშვნა
ისევე როგორც იუსტიციის უმაღლესი საბჭოს შემთხვევაში, დავნიშნავ ისეთ ადამიანს, რომელიც არასოდეს წავა თავისუფლების იდეის წინააღმდეგ და რომელიც იქნება საკონსტიტუციო სასამართლოდან ამბის გამომტანი, მათ შორის განხილულ საქმეებზე განსხვავებული აზრის ჩამოყალიბების გზით, რადგან მეტის გაკეთება არსებულ რეალობაში უბრალოდ შეუძლებელია.
მთავრობის წარდგინებით პარლამენტისთვის ასარჩევად ეროვნული მარეგულირებელი ორგანოების წევრობის კანდიდატების წარდგენა
არ ვაპირებ ასეთი ადამიანების წარდგენას, რადგან ვთვლი, რომ მარეგულირებლები გასაუქმებელია და ადამიანები რომლებიც ამ სტრუქტურებში მრავალათასიან ხელფასებს იღებენ, სახლში არიან გასაშვები.
სახელმწიფო ჯილდოებისა და პრემიების, საპატიო წოდებების მინიჭება
წარმოდგენა არ მაქვს, ვინ შეიძლება დავაჯილდოვო, მომავალში ვიფიქრებ ამაზე, მაგრამ ერთმნიშვნელოვნად არ გამოვიყენებ ამ ინსტრუმენტს ცნობილი ადამიანების გულის მოსაგებად.
რეფერენდუმის დანიშვნა
200 000 ხელმოწერის შეგროვების შემთხვევაში დავნიშნავ რეფერენდუმს ნებისმიერ საკითხზე, რომელიც არ იქნება მიმართული ადამიანის თავისუფლების შეზღუდვისკენ.
კიდევ რაზე დახარჯავს დროს ზურა ჯაფარიძე
იმის გათვალისწინებით, რომ საქართველოს პრეზიდენტი კონსტიტუციის თანახმად წარმოადგენს ქვეყანას საგარეო ურთიერთობებში, გარდა სტანდარტული საქმეებისა, ვაპირებ დროის ნაწილი დავხარჯო შემდეგი ორი პროექტის განხორციელებაზე:
- ეკონომიკის განვითარებისთვის ვაჭრობას განსაკუთრებული მნიშვნელობა აქვს. საქართველოს უკვე აქვს მეტ-ნაკლებად თავისუფალი სავაჭრო ურთიერთობები თანამედროვე სამყაროს მნიშვნელოვან ბაზრებთან. თუმცა არ გვაქვს თავისუფალ ვაჭრობაზე ხელშეკრულება მთავარ სტრატეგიულ პარტნიორთან, აშშ-სთან. საპრეზიდენტო ვადაში ყველაფერს გავაკეთებ იმისათვის, რომ ასეთი ხელშეკრულება გაფორმდეს, რაც უდიდესი მნიშვნელობის წინ გადადგმული ნაბიჯი იქნება, როგორც ეკონომიკური, ისე უსაფრთხოების თვალსაზრისით. იგივეს გაკეთებას ვეცდები ყველა სხვა ქვეყანასთან მიმართებაშიც;
- სამყაროს მომავალი არის ციფრული. ეს მომავალი მნიშვნელოვან გამოწვევებს და შესაძლებლობებს წარმოშობს კაცობრიობისთვის ბევრი მიმართულებით. მე მჯერა, რომ ქვეყანა, ერი, საზოგადოება, რომელიც უფრო ახლოს იქნება ციფრული ტექნოლოგიების ყველაზე თანამედროვე მიღწევებთან, უფრო ეფექტურად შეძლებს, ერთი მხრივ, გაუმკლავდეს მომავლის გარდაუვალ გამოწვევებს, ხოლო, მეორე მხრივ, ყველაზე სწრაფად გამოიყენოს აქამდე წარმოუდგენელი და ახლად გაჩენილი შესაძლებლობები. ყველანაირად შევეცდები გამოვიყენო ქვეყნის პრეზიდენტის სტატუსი იმისათვის, რომ საქართველოში გაჩნდეს ქართული Sillicon Valley, სადაც წარმოდგენილი იქნებიან ციფრული ტექნოლოგიების თანამედროვე გიგანტები.
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვათვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა თვითმკვლელობამდე მიყვანის და ადევნების ფაქტებზე ერთ პირს ბრალდება წარედგინა
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
-
გადახედვახატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად ხატია დეკანოიძე: 29 აპრილს იქნება აქცია "რუსული მარში" რუსული კანონის დასაცავად
-
გადახედვაროგორი ამინდი იქნება საქართველოში უქმეებზე როგორი ამინდი იქნება საქართველოში უქმეებზე
-
კომენტარები