თბილისის ერთ-ერთ ქუჩაზე დემურ სტურუას თვითმკვლელობამდე დაწერილი წერილის ბოლო წინადადება, დედა დარჩი მარტო მაგრამ რა ვქნა, გამოჩნდა.

22 წლის დემურ სტურუამ სოფელ დაფნარში 8 აგვისტოს თავი მოიკლა. თვითმკვლელობამდე მიყვანის საქმეზე გამოძიებას რამდენიმე დღეა აწარმოებს დასავლეთ საქართველოს საოლქო პროკურატურის საგამოძიებო ნაწილი. გამოძიება სისხლის სამართლის კოდექსის 333-ე (უფლებამოსილების გადამეტება) და 115-ე (თვითმკვლელობამდე მიყვანა) მუხლებით მიმდინარეობს.

20 აგვისტოს 17 საათზე, სამტრედიაში შსს-ს შენობასთან თეთრი ხმაურის მოძრაობა აქციას გამართავს. აქციის ორგანიზატორები აცხადებენ, რომ დემურ სტურუას თვითმკვლელობის აქტი საპროტესტო გზავნილია, რომელიც თითოეულ მოქალაქეს ეხება.