Variety-ს ინფორმაციით, ცნობილი კომედიური სერიალის The Office-ის ვარსკვლავი ჯონ კრასინსკი, Amazon-ის ახალ სერიალში მიიღებს მონაწილეობას.

ახალი სერია, რომელის პირველი ათი ეპიზოდიც უკვე დაფინანსდა, ტონ კლენსის მიერ შექმნილი ცნობილი პერსონაჟის, ჯეკ რაიანის ისტორიას მოგვითხრობს. ჯეკ რაიანი ტომ კლენსის სადებიუტო რომანის ნადირობა წითელ ოქტომბერზე მთავარი პერსონაჟია, რომელიც ცენტრალური სადაზვერვო სააგენტოს (CIA) ანალიტიკოსია, რომელიც ამერიკელ სამხედროებთან ერთად უახლესი ტექნოლოგიით აღჭურვილ წყალქვეშა ნავს, წითელი ოქტომბერს, მას შემდეგ ჩაიგდებს ხელში, რაც ამავე ხომალდის ლიტველი კაპიტანი და მისი ეკიპაჟი აშშ-ს მხარეზე გადასვლას და მათთვის ჩაბარებას გადაწყვეტენ.

ამ რომანის შემდეგ ჯეკ რაიანი კიდევ რვა ნაწარმოებში გვხვდება.

ახალი სერიალი ჯეკ რაიანის ამბების პირველი ეკრანიზაცია არ იქნება, პერსონაჟის როლი თავის დროზე ალეკ ბოლდვინმა, ჰარისონ ფორდმა, ბენ აბფლეკმა და კრის პაინმა შეასრულეს.

ახალ სერიალში ჯეკ რაიანი ახალი ტიპის ტერორიზმს დაუპირისპირდება, რომელიც პლანეტის მოსახლეობას საფრთხეს უქმნის.

გადაღებები აშშ-ში, ევროპასა და აფრიკაში იგეგმება, პრემიერის თარიღი ჯერ უცნობია.