რუსეთი აპირებს, რომ თავის მეზობლად ბიოლოგიური ლაბორატორიების განთავსების საკითხი გაეროში წამოაყენოს. ამის შესახებ რუსეთის საგარეო საქმეთა მინისტრის მოადგილემ, გრიგორი კარასინმა გამოცემა TASS განუცხადა.

"ჩვენ წინააღმდეგი ვართ, რომ ამერიკელების დაფინანსებული ბიოლოგიური ლაბორატორიები ჩვენი საზღვრის პერიმეტრზე იყოს გაბნეული და ჩვენი და ჩვენი მეზობლების, მათ შორის, დსთ-ს ქვეყნების მოსახლეობისთვის საფრთხეს წარმოადგენდეს", — განაცხადა კარასინმა.

გრიგორი კარასინი ბიოლოგიურ ლაბორატორიაში გულისხმობს თბილისში არსებულ რიჩარდ ლუგარის სახელობის ლაბორატორიასაც, რომელიც არაერთხელ გამხდარა რუსული პროპაგანდის იარაღი.

რამდენიმე დღის წინ კრემლი ამტკიცებდა, რომ ლუგარის ლაბორატორიაში პენტაგონის დაკვეთით ბიოლოგიურ იარაღს ქმნიან. ამერიკულმა მხარემ ბრალდებებს აბსურდული, ხოლო ქართულმა მხარემ სიცრუე და ბოდვა უწოდა.

ამავე თემაზე: