ფლორიდის შტატს დამანგრეველი ქარიშხალი მაიკლი უახლოვდება. ქარიშხალი მეოთხე კატეგორიისა და ოფიციალური პირები მას განსაკუთრებით საშიშს უწოდებენ. 370 ათასზე მეტი ადამიანი ევაკუაციის აუცილებლობაზე უკვე გააფრთხილეს. ასევე, ამბობენ, რომ ბოლო ასი წლის განმავლობაში რეგიონისთვის ეს ყველაზე ძლიერი ქარიშხალი იქნება.

ქარიშხალი მაიკლი თავიდან ტროპიკული შტორმი იყო. ცენტრალურ ამერიკაში მის მიერ გამოწვეულმა ძლიერმა წვიმამ 13 ადამიანის სიცოცხლე შეიწირა. ფლორიდის, ალაბამასა და ჯორჯიის შტატებში საგანგებო მდგომარეობაა გამოცხადებული.

სტიქია უკვე დაატყდა თავს პანამა სიტის.