მშობლების მიმართ განხორციელებული ფიზიკური შეურაცხყოფისთვის ბრალდებულს 1 წლით თავისუფლების აღკვეთა მიესაჯა. პროკურატურის ინფორმაციით, სასამართლომ გაიზიარა წარდგენილი მტკიცებულებები და დადგინდა, რომ ბრალდებულმა დედას და მამას ურთიერთშელაპარაკების ნიადაგზე რამდენჯერმე დაარტყა ხელი.

დაკავებულს ბრალდება სისხლის სამართლის კოდექსის 11',126-ე მუხლის მე-2 ნაწილის "გ" ქვეპუნქტით ჰქონდა წარდგენილი. მუხლი გულისხმობს დანაშაულს ოჯახის ერთი წევრის მიერ ოჯახის სხვა წევრის მიმართ, რამაც ფიზიკური ტკივილი გამოიწვია.