ოპერის ლეგენდარული მომღეალი, მონსერატ კაბალიე 85 წლის ასაკში გარდაიცვალა. უცხოური მედიის ინფორმაციით, ესპანელ შემსრულებელს ჯანმრთელობის პრობლემები ჰქონდა.

კაბალიე ბარსელონაში 1933 წლის 12 აპრილს დაიბადა. ლეგენდარული სოპრანოს კარიერა 50 წლის განმავლობაში გაგრძელდა. მან სახელი გაითქვა უნიკალური ბელკანტოს ტექნიკის შესრულებით.

50 წლიან კარიერაში კაბალიემ იმღერა 90-ზე მეტ სპექტაკლში და შეასრულა წამყვანი როლები მსოფლიოს ყველაზე ცნობილ კლასიკურ იტალიურ ოპერებში.

კაბალიეს შემოქმედებიდან ერთ-ერთი ყველაზე ცნობილია დუეტი ფრედი მერკურთან. მომღერლებმა ერთობლივი ალბომი Barcelona გამოუშვეს. ამავე სახელწოდების სიმღერა 1992 წელს ესპანეთში ჩატარებული ოლიმპიური თამაშების ჰიმნი გახდა.