ქართული ოცნების დამფუძნებლისა და თავმჯდომარის, ბიძინა ივანიშვილის ძმამ, ალექსანდრე ივანიშვილმა მმართველი გუნდის მიერ მხარდაჭერილ კანდიდატს, სალომე ზურაბიშვილს 3 სექტემბერს 45 000 ლარი შესწირა. აღნიშნული ინფორმაცია საქართველოს სახელმწიფო აუდიტის სამსახურმა გაავრცელა.

ივანიშვილის ძმასთან ერთად, სალომე ზურაბიშვილის შემწირველთა შორის არის თბილისის მერი კახა კალაძე, რომელმაც დამოუკიდებელ კანდიდატს 50 000 ლარი გადაურიცხა.

მმართველი გუნდის მიერ მხარდაჭერილ კანდიდატს, შემოწირულობისთვის გათვალისწინებული მაქსიმალური თანხა, 60 000 ლარი ოქტომბრის პირველ სამ დღეში შემდეგმა მოქალაქეებმა ჩაურიცხეს: ბონდო ომიანიძე, გიორგი გველესიანი, დავით შენგელია, გიორგი ქსოვრელი, ირაკლი ცეკვაშვილი, სერგო გალუსტიანი, გიორგი თანანაშვილი, ნიკა მერაბიშვილი, ვლადიმერ სრეფანიანი, ავთანდილ გულიკაშვილი.

სალომე ზურაბიშვილს 1-3 ოქტომბერს სულ მილიონ ლარზე მეტი შესწირეს.