ომეგა ჯგუფის დამფუძნებელი, ზაზა ოქუაშვილი, რომელიც ხელისუფლებას ზეწოლაში ადანაშაულებს, ყოფილი ხელისუფლების ახლანდელ საპრეზიდენტო კანდიდატს, გრიგოლ ვაშაძეს უჭერს მხარს. ამის შესახებ ომეგა ჯგუფის დამფუძნებელმა რუსთავი 2-ის ეთერში ისაუბრა.

იმის მიუხედავად, რომ ოქუაშვილს პრობლემები ნაციონალური მოძრაობის ხელისუფლებაში ყოფნის დროსაც ჰქონდა, მიაჩნია, რომ არჩევნებში ამ პარტიის საპრეზიდენტო კანდიდატმა უნდა გაიმარჯვოს, რადგან ისაა რეალური ოპოზიცია.

"მე ვიცი უნდა დამარცხდეს [ბიძინა] ივანიშვილის კრიმინალური ბანდა თავიანთი პროკურორებით და პოლიციის მინისტრებით. არ გავხდები [ნაციონალურ მოძრაობის] დამცველი. თუ გავიხსენებთ, იმის მერე [2012 წელი] პარტია გაიფილტრა და იმ ფილტრში დარჩა ის ხალხი [სავარაუდოდ, ევროპული საქართველო], რომელსაც ხედავთ სხვაგან", — აღნიშნა ოქუაშვილმა.