Hollywood Reporter-ის ინფორმაციით, რეჟისორი რომან პოლანსკი ახალი ფილმის გადაღებებისთვის ემზადება.

J'accuse - ასე ერქმევა 13 წლის გოგოს გაუპატიურებაში ბრალდებული რეჟისორის ფილმს, რომელშიც მთავრ როლებს ჟან დიუჟარდინი და ლუი გარელი შეასრულებენ.

აღსანიშნავია, რომ თუ გავრცელებულ ინფორმაციას დავუჯერებთ, ფილმის სიუჟეტი ერთი-ერთში ემთხვევა პოლანსკის ისტორიას, თუმცა ფილმის გმირის ამბავი, რომელიც ასევე ბრალდებულია, ბედნიერად სრულდება. განსხვავებით პოლანსკისგან, რომელიც ჯერ სასამართლოს გაექცა, ახლა კი სხვა ქვეყნიდან ცდილობს უდანაშაულობის დამტკიცებას, თუმცა უშედეგოდ.

რაც შეეხება პოლანსკის, ის 2009 წელს შვეიცარიის პოლიციამ დააკავა, მას ბრალად 1977 წელს 13 წლის სამანტა გეიმერის გაუპატიურება ედებოდა.

თუმცა ეს ყველაფერი არ არის, რამდენიმე თვის წინ კიდევ ერთი ქალი გამოჩნდა, რომელმაც პოლანსკი ძალადობაში დაადანაშაულა, მისი თქმით რეჟისორმა მასზე 1973 წელს სექსუალურად იძალადა, როდესაც 16 წლის იყო.

პოლანსკის ბრალი სექსუალურ ძალადობასა და პედოფილიაში 2010 წელს, ბრიტანელმა მსახიობმა შარლოტ ლუისმაც დასდო და თქვა, რომ რეჟისორმა მისი გაუპატიურება 1983 წელს სცადა, როდესაც 16 წლის იყო.