მარტო სახლშის ვარსკვლავი, მაკოლეი კალკინი ახალი როლის მიღებას ტვიტერის დახმარებით ცდილობს.

38 წლის მსახიობმა ტვიტერზე ჯოან როულინგს სთხოვს Fantastic Beasts-ის შემდეგი ნაწილში მისთვის როლი გამოენახა. თუმცა იქამდე, ფილმის გარშემო ატეხილ აჟიოტაჟს გამოეხმაურა და ნაგინის როლზე აზიელი მსახიობის დამტკიცება მოუწონა.

"სალამი ჯოან, მე შენთან ვარ! ნაგინს შეუძლია იყოს ის, ვინც მას სურს! ის ძლიერი ქალი/გველია.

გარდა ამისა, შეგიძლია შემდეგ ფილმში ჩემთვის როლი დაწერო? მე მაკოლეი კალკინი ვარ (ფილმიდან მარტო სახლში) და ასევე ვიყავი Pagemaster-ში (სადაც მაგიის მხრივ გამოცდილება მივიღე", - წერს კალკინი.

შეგახსენებთ, რომ Fantastic Beasts-ის მეორე ნაწილის პრემიერა 2018 წლის 16 ნოემბერს შედგება.