ბათუმში, რამდენიმე საათიანი გადაუღებელი წვიმის შემდეგ, ქალაქის ქუჩები დაიტბორა. დატბორილია საცხოვრებელი სახლის პირველი სართულები და სარდაფები.

შინაგან საქმეთა სამინისტროს საგანგებო სიტუაციების მართვის დეპარტამენტის ინფორმაციით ამ დრომდე დაფიქსირდა 30-მდე გამოძახება. სამაშველო სამსახური მობილიზებულია და მაშველები დამსვენებლებს ზღვაში შესვლისგან თავის შეკავებისკენ მოუწოდებენ.

ადგილობრივების ინფორმაციით ზღვაზე წითელი ალამია აღმართული და მოსახლეობას სანაპირო ზოლზე შესვლას უზღუდავენ შტორმის გამო. ადგილობრივების განცხადებით დატბორილია მაღაზიები და შეზღუდულია მოძრაობა რამდენიმე ქუჩაზე.

ფეისბუქის გვერდი ბათუმი/Batumi ავრცელებს შტორმის ამსახველი ვიდეო მასალას.