საკუთარი შვილობილის გაუპატიურებაში დადანაშაულებული რეჟისორის, ვუდი ალენის ცოლი სუნ ი პრევინი ხანგრძლივ დუმილს აძლევს და გახმაურებულ საქმეზე Vulture-სთან საუბრობს.

სუნ ი ამბობს, რომ დილან ფეროუს ყველა ბრალდებები ტყუილია, ამ ყველაფრის უკან კი ვუდის ყოფილი ცოლი, მსახიობი მია ფეროუ დგას.

"ის, რაც ვუდის დაემართა ერთი დიდი უსამართლობაა. მია ფეროუმ, ჰოლივუდში აგორებული კამპანია #MeToo გამოიყენა და დილანი მსხვერპლად აქცია, რაც რეალობა სულაც არ არის. ყველაზე სამწუხარო კი ამ ამბავში ის არის, რომ ამიერიდან ყველა ამ ისტორიას უსმენს და იჯერებს", - ამბობს პრევინი.

გარდა ამისა, სუნ ი თავის ბავშვობასაც იხსენებს და ამბობს, რომ მია ფეროუ საშინელი დედა იყო და ხშირად მის სიცოცხლეს საფრთხის ქვეშ აყენებდა.

"ის [მია ფეროუ] ფეხებით მიჭერდა და მეუბნებოდა, რომ როცა სისხლი ტვინს მიაწვებოდა, უფრო ჭკვიანი გავხდებოდი. მდიდრული ცხოვრება არ მქონია, მიუხედავად იმისა, რომ ამის შესაძლებლობა მას ჰქონა. მია ხსირად მიმეორებდა, თუ როგორ გამიმართლა, რომ მიშვილა. დედაჩემს "მეძავს" ეძახდა და მიმეორებდა, რომ მისი სისხლი გენებში მქონდა", - ყველა სუნ ი.

შეგახსენებთ, რომ ვუდი ალენი და მისი შვილობილი, სუნ ი ერთმანეთზე 1997 წელს დაქორწინდნენ, თუმცა წინ ამას დიდი სკანდალი უძღოდა. მია ფეროუმ პრევინის შიშველი ფოტო ალენის უჯრაში იპოვა და ამაზე საჯარო განცხადებაც გააკეთა.

რაც შეეხება ალენს, 82 წლის რეჟისორმა გადაწყვიტა, რომ საკუთარი საქმიანობისთვის დროებით თავი დაენებებინა.

როგორც ცნობილია, რეჟისორის გადაწყვეტილების მიზეზი დილან ფეროუს ბრალდებებია, რომელიც ჰოლივუდში კიდევ ერთხელ მოექცა ყურადღების ცენტრში.

შეგახსენებთ, რომ ალენის ბოლო ფილმი A Rainy Day In New York, რომელშიც მთავარ როლებს სელენა გომეზი და ტიმოთი შალამე ასრულებენ, შესაძლოა, აღარ გამოვიდეს.

ფილმის დისტრიბუციის უფლება თავიდანვე კომპანია ამაზონმა შეიძინა, თუმცა ამჯერად ამბობენ, რომ ფილმი ან საერთოდ არ გამოვა, ან მისი ჩვენება აქტიური პიარის გარეშე მოხდება.

რაც შეეხება დილან ფეროუს ბრალდებებს, ის მია ფეროუმ და ვუდი ალენმა ერთად ცხოვრების დროს იშვილეს. დილანის თქმით, 1992 წელს ის 7 წლის იყო, როდესაც ვუდი ალენმა მასზე პირველად იძალადა.

"ვუდი ალენის რომელი ფილმი მოგწონთ ყველაზე მეტად? სანამ მიპასუხებდეთ, გეტყვით: შვიდი წლის რომ ვიყავი, როცა ვუდი ალენმა ხელი ჩამკიდა და ჩვენი სახლის მეორე სართულზე, ჩაბნელებულ, საკუჭნაოსმაგვარ სხვენში ამიყვანა. მითხრა, იატაკზე დაწექი და შენი ძმის სათამაშო მატარებლით ითამაშეო, შემდეგ კი ჩემზე იძალადა. სანამ ამას აკეთებდა მესაუბრებოდა, მეჩურჩულებოდა, რომ კარგი გოგო ვარ, რომ ეს ჩვენი საიდუმლო იქნებოდა, მპირდებოდა, რომ პარიზში წამიყვანდა და თავისი ფილმების ვარსკვლავად მაქცევდა. მახსოვს, როგორ მივჩერებოდი მატარებელს, სხვენს რომ წრეებს არტყამდა. სათამაშო მატარებლების დანახვისას ახლაც ცუდად ვხდები", - წერს ღია წერილში დილან ფეროუ.

ამ ბრალდებას სასამართლო მოჰყვა, რომელმაც 1993 წელს ვუდი ალენს ფეროუსთან ურთიერთობისას აყვანილ ორ და ერთ ბიოლოგიურ შვილზე მეურვეობა არ მისცა.

ფეროუსა და ალენს 13-წლიანი ურთიერთობისას ბიოლოგიური შვილი რონან ფეროუ შეეძინათ, რომელიც ახლა გამომძიებელი ჟურნალისტია. მან ჰარვი ვაინშტაინის წინააღმდეგ არსებული ბრალდებების გამოაშკარავებას ხელი შეუწყო.

1997 წელს ვუდი ალენმა მია ფეროუს მიერ წარსულში ნაშვილები სუნ-ი პრევინი შეირთო ცოლად. მასთან ურთიერთობა ალენმა ჯერ კიდევ ფეროუსთან თანაცხოვრებისას დაიწყო.

1993 წლის სასამართლოდან 2014 წლამდე ვუდი ალენი საჯაროდ აღარ დაუდანაშაულებიათ დილან ფეროუზე სექსუალურად ძალადობაში, თუმცა მას შემდეგ, რაც მას 2014 წელს ოქროს გლობუსი გადასცეს, რონანმა და მიამ ოქროს გლობუსი გააკრიტიკეს, დილანმა კი ნიუ-იორკ ტაიმსში ღია წერილი გამოაქვეყნა, სადაც ალენის მხრიდან ძალადობაზე საუბრობდა.

ვუდი ალენმა დილანს ასევე ნიუ-იორკ ტაიმსში გამოქვეყნებული წერილით უპასუხა, ბრალდება უარყო და განაცხადა, რომ დილანს სექსუალური ძალადობა მია ფეროუმ შთააგონა, რადგან მისი და პრევინის ურთიერთობის წინააღმდეგი იყო.

ამავე თემაზე: