გაერთიანებული ოპოზიციის საპრეზიდენტო კანდიდატი, გრიგოლ ვაშაძე მეუფე იაკობისა და ექსპრეზიდენტ მიხეილ სააკაშვილის შემდეგ აცხადებს, რომ მარიხუანის კულტივაციამ ეკონომიკურად განვითარებული კოლუმბია გაანადგურა და საქართველოსთვისაც საფრთხისშემცველია.

"საქართველოს გადაქცევას ნარკოტიკების პლანტაციებად ვეუბნები კატეგორიულ არას. მარტივი მაგალითები მინდა მოვიყვანო, დალაგებული ქვეყანა როგორიც იყო კოლუმბია 70-იანი წლების. როგორც კი განჩდა პირველი მარიხუანის პლანტაციები ამას მოყვა გიგანტური კრიმინალი, ამას მოყვა კარტელები, მონოპოლიები, ცხოვრების დონის დაცემა", — განაცხადა ვაშაძემ P.S-თან ინტერვიუში.

ვაშაძის თქმით, მისი განცხადება მარიხუანის მოხმარებლების პედოფილებთან შედარების შესახებ "ემოციური" იყო, რადგან "ნარკოტიკებზე ემოციების გარეშე ვერ ვსაუბრობ".

საქართველოს შინაგან საქმეთა სამინისტრო სამთავრობო გუნდთან ერთად მუშაობს კანონპროექტზე, რომელიც მარიხუანისგან წარმოებული მედიკამენტების ექსპორტზე გატანას გულისხმობს.

მარიხუანის მიერ დამზადებული სამედიცინო მედიკამენტების მოხმარება ლეგალურია მსოფლიოს არაერთ ქვეყანაში, მათ შორისაა დიდი ბრიტანეთი, ავსტრალია, ნიდერლანდები, აშშ-ს ზოგიერთი შტატი, კანადა, ურუგვაი, ისრაელში და პორტუგალია.