"თურმე ადამიანს უფლება აქვს ისე დაისვენოს, როგორც უნდა და შეკითხვა მაქვს კონსტიტუციურ სასამართლოსთან, პედოფილსაც აქვს უფლება ისე დაისვენოს, როგორც უნდა?!" — ასე გამოეხმაურა პრეზიდენტობის კანდიდატი, გრიგოლ ვაშაძე მარიხუანის მოხმარების ლეგალიზაციას.

პრეზიდენტობის კანდიდატმა სამედიცინო დანიშნულებით მარიხუანის კულტივაციის ინიციატივაც შეაფასა. მისი თქმით, მარიხუანის "პლანტაციების გაშენებით" მოპოვებული შემოსავალი ქართული ოცნების თავმჯდომარის, ბიძინა ივანიშვილის "ჯიბეში წავა".

"არავითარი ექსპორტისთვის ეს ნარკოტიკები გათვალისწინებული არ არის. ეს არის შიდა მოხმარებისთვის გათვალისწინებული. თავიდანვე გასაგები იყო, ეს ისტორია საით მიდიოდა, როდესაც ჯერ სიმღერები შემოგვაპარეს, შემდეგ კონსტიტუციურმა სასამართლომ მიიღო გადაწყვეტილება", — აღნიშნა ვაშაძემ.

საქართველოს შინაგან საქმეთა სამინისტრო სამთავრობო გუნდთან ერთად მუშაობს კანონპროექტზე, რომელიც მარიხუანისგან წარმოებული მედიკამენტების ექსპორტზე გატანას გულისხმობს.

ამავე თემაზე: