სასტუმრო ვერე პალასთან, სადაც პუტინის გრანტით დაფინანსებული მედიაფორუმი მიმდინარეობს, მოქალაქებიი საპროტესტო აქციას მართავენ. აქციის მონაწილეებმა სასტუმროსთან დოლ-გარმონის თანხლებით სუფრის გაშლა დაიწყეს. აქციის ორგაზანიზატორი მოძრაობა "რუსეთი ოკუპანტია".

"ვეხმარებით რომ სუფრა გავუშალოთ. მათ ხომ უყვართ ქართული ჭაჭა, ხაჭაპური, ხინკალი და იქნებ ასე გადმოვიპატიჟოთ ერთმორწმუნეები", — განაცხადა აქციის ერთ-ერთმა მონაწილემ.

საქართველოში ჟურნალისტებისთვის ვლადიმერ პუტინის ფონდის მიერ დაფინანსებული ფორუმი იმართება. 2-დღიან ღონისძიებაში მონაწილეობას იღებენ პრორუსული განწყობებით ცნობილი მედიის წარმომადგენლები, ჟურნალისტები და მკვლევრები. რუსული დელეგაციიდან 4 ჟურნალისტი უკვე გააბრუნეს მოსკოვში ოკუპაციის კანონის წლების წინ დარღვევის გამო. მათი ნაწილი საქართველოშია და მზად არიან 5 სექტემბრიდან ქართველ ჟურნალისტებს პროპაგანდასთან ბრძოლის შესახებ ტრენინგები ჩაუტარონ.

მედიაფორუმს, სახელწოდებით "საერთაშორისო სამხრეთ კავკასიური მედიაფორუმი", სასტუმრო Vere Palace მასპინძლობს. მსგავსი ფორუმები საქართველოში წლების განმავლობაში ტარდება, რომლის ორგანიზატორებიც პრორუსული განწყობით ცნობილი მედიასაშუალებები არიან: რუსული პოლიტოლოგიური ცენტრი "ჩრდილოეთი-სამხრეთი" (Север-Юг), პრეს-კლუბი "თანამეგობრობა" (содружество) და ქართულენოვანი პრო-რუსული გამოცემა, "საქართველო და მსოფლიო". 2018 წელს ფორუმის მთავარი თემა რეგიონში ნდობის განსამტკიცებლად მედიის როლი იქნება. ღონისძიება რუსეთის საპრეზიდენტო ფონდის მხარდაჭერით გაიმართება.

ფორუმის სამი მონაწილე ქვეყანაში არ შემოუშვეს. მიზეზი რამდენიმე წლის წინ დარღვეული საქართველოში მოქმედი ოკუპაციის შესახებ კანონია. ინფორმაცია On.ge-ს შინაგან საქმეთა სამინისტროში დაუდასტურეს.

გაიგეთ მეტი: