ნიუ-იორკელმა გოგომ, ნატაშა აპონტემ ტინდერის ყველა "მეჩი" დაპატიჟა პაემანზე, შემდეგ კი ისინი ერთმანეთს შეაჯიბრა. როგორც ჩანს, ის პირველივე შეხვედრაზე წარმოქმნილ დრამებს არ უშინდება.

ნატაშა მოდელია. ის ტინდერს ერთი თვის განმავლობაში იყენებდა, რომ საბოლოოდ ასობით ბიჭი პაემანზე ერთდროულად დაეპატიჟა.

კვირას, საღამოს 6 საათზე, მანჰეტენის ერთ-ერთ სკვერში ასობით ბიჭი მივიდა. ისინი თავიანთი ტინდერის მეჩის მეგობარი DJ-ის კონცერტს უნდა დასწრებოდნენ და დარწმუნებულნი იყვნენ, რომ პარტნიორს პირისპირ შეხვდებოდნენ. ყველა მათგანი ფიქრობდა, რომ ადგილზე მყოფი სხვა ბიჭები ასევე დიჯეის მოსასმენად იყვნენ მისულნი.

სწორედ ამ დროს, სცენაზე ნატაშა გავიდა და ბიჭებს სიტუაცია აუხსნა, შემდეგ კი მათ კითხვები დაუსვა და სხვადასხვა შეჯიბრები დაუწესა. ნატაშამ მათ უთხრა, რომ გამარჯვებულთან ერთად ნამდვილ პაემანზე წავიდოდა.

დადგმა მაშინ გასაჯაროვდა, როცა დამსწრეებიდან ერთ-ერთმა ბიჭმა ტვიტერზე სიტუაციის შესახებ დაპოსტა.

როგორც ნატაშამ პაემანზე მისულ ბიჭებს უთხრა, აპლიკაციით გადაწყვეტილების მიღება ძალიან რთული იყო, ამიტომ გადაწყვიტა, ყველა ერთად მოეწვია და ენახა, როგორ განვითარდებოდა მოვლენები.

მან დასძინა, რომ იმ ბიჭებს, რომლებსაც ბოლო შეყვარებული თავისი ინიციატივით დაშორდა, გამარჯვების შანსი არ ჰქონდათ:

"გთხოვთ წადით, რადგან მე იმ გოგოების გადაწყვეტილებებს ვენდობი".

ამის შემდეგ, მან სახლში ყველა ბიჭი გაუშვა, ვისაც შეყვარებული ჰყავდა და დასძინა, რომ კვლევის შედეგებით, ტინდერზე მყოფი ბიჭების ნახევარს შეყვარებული ჰყავს.

ამის შემდეგ, მან ტრამპის მხარდაჭერებს მოუწოდა წასვლისკენ:

"თუ ფიქრობთ, რომ ერთდროულად შეგიძლიათ ტრამპი მოგწონდეთ და თან პუერტო-რიკოელ გოგოს ხვდებოდეთ, მწარედ ცდებით".

ნატაშა აპონტე

Brooklyn babe 📸: @shotbyasmith #MBNYC #willyscouts

A post shared by NATASHA APONTE (@natashavaponte) on

ასევე ყველას, ვისაც ლუდით დატოვებული ღიპი ან გრძელი წვერი ჰქონდა, ან უბრალოდ ჯიმი ერქვა, ან ხაკისფერი შარვალი ეცვა, ან სიგარეტს ეწეოდა და მასთან პაემანზე მხოლოდ გასართობად იყო მისული, მან სთხოვა, რომ წასულიყო.

როგორც აღმოჩნდა, დამსწრეების ნაწილმა, ტერიტორია თავისი სურვილით დატოვა, ნაწილი უხერხულად განაგრძობდა ნატაშას გამოსვლის ყურებას.

მოგვიანებით აღმოჩნდა, რომ აპონტე მარკეტინგულ კომპანიასთან ერთად მუშაობდა, სახელად Rob Bliss Creative. კომპანიის განცხადებით, შეხვედრა გადაღებულია და ჩანაწერს ისინი უახლოეს მომავალში გამოაქვეყნებენ.

უცნობია, რამდენს გადაუხდის ნატაშა აპონტეს კომპანია. 2014 წელს, გოგო ნიუ-იორკის ქუჩებში 10 საათის განმავლობაში იმ ბიჭებს უღებდა, ვინც მას შეძახილებით მიმართავდა და სექსუალურად ავიწროებდა. მისგან იგივე კომპანიამ ვიდეო $200-ად იყიდა. გოგომ მოგვიანებით კომპანიას უჩივლა და 500 000 დოლარი მოითხოვა, რადგან მისი ვიდეო დაარედაქტირეს და რეკლამად გამოიყენეს, რომელსაც ამ დროისთვის 47 მილიონზე მეტი ნახვა აქვს. მან სასამართლო ვერ მოიგო.