ეგვიპტის პრეზიდენტმა აბდელ ალ-სიმამ ხელი მოაწერა კანონს, რომელიც ქვეყანაში ვებგვერდების მუშაობას გააკონტროლებს. კიბერდანაშაულის კანონმდებლობა - ასე ჰქვია პროექტს, რომელიც შეძლებს დაბლოკოს ინტერნეტგვერდები, თუ ეგვიპტის ხელისუფლება ჩათვლის, რომ ვებგვერდზე იდება მასალა, რომელიც ქვეყნის უსაფრთხოებას ეხება, ან ეკონომიკას უქმნის საფრთხეს.

BBC-ის ცნობით, აღნიშნული დანაშაულის ჩადენის შემთხვევაში, პირს ჯარიმის გადახდა, ან თავისუფლების აღკვეთა ემუქრება. გარდა ამისა, ეგვიპტის ხელისუფლება აცხადებს, რომ სიახლე ქვეყნის სტაბილურობისთვის და ტერორიზმის დასაძლევად საუკეთესოა.

განსხვავებული მოსაზრება აქვთ ადამიანის უფლებათა დამცველ ჯგუფებს. ისინი მიიჩნევენ, რომ ხელისუფლებას ამ ქმედებით, ყველა განსხვავებული პოლიტიკური აზრის ჩახშობა სურს.

კაიროში დაფუძნებულმა აზრისა და გამოხატვის თავისუფლების ასოციციამ კი განაცხადა, რომ ხელისუფლებამ ახალი კანონის მიღებამდე უკვე დაბლოკა 500-ზე მეტი ვებ-გვერდი.