შინაგან საქმეთა სამინისტროს თანამშრომლებმა რამდენიმე დღის წინ გურიაში არასრულწლოვნის თვითმკვლელობის საქმეზე ერთი პირი დააკავა. დანაშაულის დამტკიცების შემთხვევაში მას ორიდან ოთხ წლამდე პატიმრობა ემუქრება.

გამოძიების ინფორმაციით, ბრალდებულმა გარდაცვლილი ფეისბუქმიმოწერის მშობლებისთვის ჩვენების მუქარით ინტიმური ფოტოებისა და ვიდეომასალის გადაღებასა და გაგზავნაზე დაითანხმა.

"მას შემდეგ, რაც გარდაცვლილმა გადაღებული ფოტოები და ვიდეომასალა გადაუგზავნა, ბრალდებულმა გოგოს დაშანტაჟება დაიწყო, რის გამოც ამ უკანასკნელმა თავისი საცხოვრებელი სახლის ეზოში თავი ჩამოიხრჩო", - აღნიშნულია შსს-ს განცხადებაში.

გამოძიება თვითმკვლელობამდე მიყვანის საქმეზე საქართველოს სისხლის სამართლის კოდექსის 115-ე მუხლით მიმდინარეობს.