ხაშურში პოლიციის მანქანა გზაზე გადამსვლელს დაეჯახა. შემთხვევა 15 აგვისტოს მოხდა.

შინაგან საქმეთა სამინისტროს პრესსამსახურის ინფორმაციით, ქალი, რომელსაც პოლიციის მანქანა დაეჯახა თავს კარგად გრძნობს და ავტოსაგზაო შემთხვევის შემდეგ დამოუკიდებლად შეძლო გადაადგილება.

ვიდეომასალაში, რომელსაც ფეისბუქგვერდი Welcome to Georgia ავრცელებს, არ ჩანს, რომ მოქალაქე ზებრაგადასასვლელზე გადადის.

საქმეზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს. ამ მუხლით, ავტომობილის მოძრაობის უსაფრთხოების დარღვევა, რამაც ჯანმრთელობის ნაკლებად მძიმე დაზიანება გამოიწვია ისჯება ჯარიმით ან შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით სამ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.