რა გვახსენდება სიტყვა ყიყლიყოზე?! რა თქმა უნდა, უდარდელი ბავშვობა, როდესაც გათქვეფილ კვერცხში ამოვლებული, დაბრაწული პური ჩვენი საყვარელი საუზმე, ზოგჯერ კი სადილი და ვახშამიც იყო.

მაკდონალდსმა კი სულ ახლახანს დამატებითი ბედნიერების მიზეზი მოგვცა და გადაწყვიტა, რომ ბეკონით, ყველითა და ხორცით მომზადებული ფრანგული ტოსტის ბურგერი შემოეთავაზებინა.

აღსანიშნავია ისიც, რომ მაკდონალდსის ყიყლიყოს ბურგერი თავდაპირველად 2003 წელს გამოჩნდა, თუმცა გაყიდვიდან ის მალევე ამოიღეს.

ახალი ბურგერის შეძენა ჯერჯერობით მხოლოდ მინესოტაში, ამავე რესტორნის ქსელის 200 სხვადასხვა რესტორანშია შესაძლებელი.

დაიმკვიდრებს თუ არა ყიყლიყო-ბურგერი მენიუში თავს - ხალხის გამოხმაურებაზეა დამოკიდებული.